Nemaleyfi
Fyrirtæki þurfa að vera með skráð nemaleyfi í þeim starfsgreinum sem þau bjóða iðnnemum vinnustaðanám.
Stjórnvöld setja fyrirtækjum skilyrði til að vera skrá fyrirtækja með nemaleyfi í Reglugerð um vinnustaðanám 180/2021.
Til þess að sækja um nemaleyfi þarf að fylla út umsókn um nemaleyfi.
Birtingaskrá
Menntamálastofnun heldur utan um birtingaskrá sem er listi yfir fyrirtæki sem bjóða iðnnemum vinnustaðanám.
Í birtingaskránni er hægt að leita eftir fyrirtækjum, eftir starfsgreinum og fyrirtækjum í einstaka landshlutum.
Rafræn ferilbók
Rafræn ferilbók er handbók nemans á vinnustað og meistara hans. Skólinn stofnar ferilbók iðnnema við upphaf vinnustaðanáms.
Ferilbók er áætlun um þjálfun í verkflokkum og verkþáttum í einstaka starfsgreinum.
Neminn ber ábyrð á ferilbókinni og skráir í bókina þegar þjálfun er lokið í einstaka verkflokkum og verkþáttum.
Mikilvægt er að neminn og meistarinn fari reglulega yfir verkefni vinnustaðanámsins, ræði næstu skref o.fl. og skrái ferilbókina.
Meistari eða tilsjónaraðili á vinnustað meta í framhaldi hvort neminn hafi öðlast tilskylda færni í verkefnum á vinnustaða og staðfesta í ferilbók.
Vinnustaðanámssjóður
Hjá Rannsóknamiðstöð Íslands, Rannís, er starfræktur Vinnustaðanámssjóður.
Vinnustaðanámssjóður styður við fyrirtæki sem bjóða iðnnemum vinnustaðanám. Sjóðnum er ætlað hvetja fyrirtæki að taka nema á námssamning og almennt styðja við þjálfun iðnnema í fyrirtækjum. Umskóknarfrestur í sjóðinn er í nóvember á hverju ári.
Fyrirmyndarfyrirtæki
Nemastofa atvinnulífsins veitir árlega verðlaun, fyrirmyndarfyrirtæki Nemastofu atvinnulífsins.
Verðlaunin eru veitt þeim fyrirtækjum sem hafa náð góðum árangri í þjálfun iðnnema í vinnustaðanámi.
Markmið Nemastofu atvinnulífsins er að stuðla að fjölgun faglærðs fólks í atvinnulífi og fjölga nemum og námstækifærum í iðn- og starfsnámi.
Hvar finn ég laus nemapláss?
Laus nemapláss
Þú finnur laus nemapláss á vefnum alfred.is. Þar auglýsa fyrirtæki sem taka nema í vinnustaðanám þau nemapláss sem eru laus hverju sinni.