Sækja um hér…. https://www.rannis.is/sjodir/menntun/vinnustadanamssjodur/
Category: Uncategorized
Sveinsbréfa í rafiðngreinum voru afhent í Hofi á Akureyri föstudaginn 17. maí. Að þessu sinni voru 10 rafvirkjar og 3 rafeindavirkjar sem útskrifuðust.
Categories
Rafmennt útskrifar fjölda nemenda
Rafmennt útskrifaði fjölda nemenda úr rafiðngreinum síðastliðinn laugardag við hátíðlega athöfn á Hilton Reykjavík Nordica. Um var að ræða 29 rafvirkjameistara, 10 kvikmyndatækna, 101 rafvirki og 3 rafeindavirkjar sem fengu afhent sveinsbréf.
Félag pípulagningameistara áætla að ráða þurfi 360 pípara á næstu fimm árum og telja að skortur á fagmenntuðu starfsfólki hafi heft vöxt fyrirtækja í greininni á síðustu árum.
Categories
Þurfa 800 rafvirkja næstu fimm árin
Samkvæmt nýrri greiningu frá Samtökum iðnaðarins er verulegur skortur á rafvirkjum á Íslandi. Þá er sá fjöldi sem útskrifast árlega með sveinspróf í rafvirkjun langt undir áætlaðri meðalþörf fyrirtækja í rafiðnaði.
Jóhanna Klara Stefánsdóttir er sviðsstjóri mannvirkjasviðs SI og bendir hún á að frá 2018 til 2023 hafi að meðaltali 142 einstaklingar lokið sveinsprófi í rafvirkjun en reiknað sé með að íslensk rafiðnaðarfyrirtæki þurfi að fylla um 160 stöður rafvirkja árlega á næstu fimm árum. „Þá er eftir að taka tillit til þeirrar uppsöfnuðu þarfar sem hefur myndast í greininni, og eins þarf að taka með í reikninginn að alls ekki allir sem ljúka sveinsprófi ákveða að starfa við rafvirkjun enda þykir iðnnámið góður grunnur fyrir áframhaldandi nám af ýmsum toga,“ segir hún.
Greining SI er byggð á könnun sem Outcome gerði á meðal aðildarfyrirtækja samtakanna og kom í ljós að fyrirtæki í rafiðnaði gera ráð fyrir að ráða um 940 manns á næstu fimm árum, þar af 800 rafvirkja.
Fréttin birtist 26.02.2024 á mbl.is
Verðlaunaafhending Nemastofu atvinnulífsins til fyrirmyndafyrirtækja fór fram laugardaginn 3. febrúar sl. samhliða nýsveinahátið Iðnaðarmannafélagsins í Reykjavík.
Verðlaunin eru veitt fyrirtækjum og iðnmeisturum sem hafa náð góðum árangri í þjálfun og kennslu nema á vinnustað og fyrir framlag þeirra til starfsmenntunar í landinu.
Fyrirmyndarfyrirtæki Nemastofu atvinnulífsins árið 2024 eru:
og
Nánar um Fyrirmyndarfyrirtæki Nemastofu atvinnulífsins.
Fjölmennur hópur þreytti sveinspróf í rafeindavirkjun í Verkmenntaskólanum á Akureyri
dagana 11. – 13. desember sl.
Prótakar voru samtals 16 en þetta er einn fjölmennasti
árgangur nemenda í rafeindavirkjun sem lýkur sveinsprófi í greininni á Akureyri.
Prófið var haldið í Verkmenntaskólanum á Akureyri við góðar aðstæður en skólinn er vel tækjum búinn
til kennslu í greininni.
Í tilefni þessara tímamóta gaf RAFMENNT próftökum verkfæri að gjöf.
Ný prófnefnd var skipuð í rafeindavirkjun í haust og var sveinsprófið á Akureyri fyrsta verkefni nefndarinnar.
Categories
Iðnmeisturum í rafvirkjun fjölgar
Þann 15. desember sl. brautskráðustu 24 nemendur úr iðnmeistaranámi í rafvirkjun.
Við þau tímamót bauð RAFMENNT til útskriftarveislu til að samfagna þessum áfanga með verðandi rafvirkjameisturum.
Þeir Kristján Þórður Snæbjarnason formaður RSÍ, Rafiðnaðarsambands Íslands og Pétur Hákon Halldórsson formaður FLR, félags löggiltra rafverktaka, og varaformaður SART, samtaka fyrirtækja í rafiðnaði, fluttu ávörp og fjögnuðu þessari viðbót iðnmeistara í greininni.
Nemastofa atvinnulífsins óskar hinum nýútskrifuðu iðnmeisturum í rafvirkjun hjartanlega til hamingju með áfangann og hlakkar til ánægjulegs samstarfs í framtíðinni.
Eins og komið hefur fram í Morgunblaðinu hefur verið skortur á iðnmenntuðum á vinnumarkaði á síðustu árum en á sama tíma hefur 600-1.000 nemendum verið vísað frá iðnnámi samanlagt á haust- og vorönn. mbl.is/Kristinn Magnússon
Iðnskólar landsins eru komnir að þolmörkum. Þörf er á að bæta við húsnæði og aukið rekstrarfé skortir til að geta tekið við fleiri nemendum. Þetta er meðal niðurstaðna nýrrar greiningar Samtaka iðnaðarins (SI) sem birt er í dag.
Eins og komið hefur fram í Morgunblaðinu hefur verið skortur á iðnmenntuðum á vinnumarkaði á síðustu árum en á sama tíma hefur 600-1.000 nemendum verið vísað frá iðnnámi samanlagt á haust- og vorönn.
Skila halla til að mæta miklum fjölda umsókna
Samkvæmt greiningu SI er húsnæði iðnskóla landsins fullnýtt. „Meta skólarnir sem svara könnuninni að þeir geti tekið við samanlagt 4.876 nemendum innan núverandi húsnæðis. Heildarfjöldi í iðnnámi hjá þessum skólum er nú 4.653 og er nýtingarhlutfallið því ríflega 95%,“ segir í greiningunni þar sem vísað er í könnun SI meðal skólastjórnenda.
Þar kemur jafnframt fram að áætlaður kostnaður við iðnnám við þá skóla sem svara könnuninni sé tæplega 9,5 milljarðar króna á þessu skólaári. Samkvæmt könnuninni taka flestallir iðnskólar við fleiri nemendum en sem nemur fjármagninu sem til þeirra er úthlutað í fjárlögum. Margir iðnskólar skila því halla til að mæta þeim mikla fjölda sem sækir um nám í skólunum.
Vantar um einn milljarð
Rétt um einn milljarð króna vantar í skólana til að ná endum saman og fullnýta skólahúsnæðið. Þar fyrir utan vantar annan milljarð inn í skólana til að bæta tækjakost í núverandi húsnæði svo unnt sé að bjóða upp á iðnnám sem stenst nútímakröfur. Auk þess vantar fjármagn til að fjölga kennurum, segir í greiningunni.
Fréttin birtist fyrst á mbl.is þann 13. desember 2023.
Á birtingalistanum eru nú um 1000 fyrirtæki sem bjóða iðnnemum vinnustaðanám í samtals 34 iðngreinum.
Fyrirtæki sem bjóða iðnnemum hefur fjölgað jafnt og þétt á árinu í öllum iðngreinum. Sjá nánar https://ferilbok-vinnustadir.inna.is/vinnustadir
